ديما مغرب ...... عفوا ما دمت في المغرب فلا تستغرب
اش هاد الفضيحة اش هاد المهزلة !!
فالسنيما حنا اللوالا !!
وفالجامع حنا التوالا !!
والا صلتي يكون جسمك فالجامع والعقل فغواتيمالا !!
كثرو الشمايت وقلالو الرجّالة !!
و ولات حالتنا حالة !!
كثرات العياقة والبسالة !!
برهوش صغير يكمي ويدير الشمَّة والكالة !!
ناكلو لحم الناس ونهضرو في من والا !!
بنادم على قبل الفلوس يبيعك فسوق الدلالة !!
البنت ولات رخص من الدنجالة !!
عريانة قمة الوقاحة والنذالة !!
كاتفرح من يقول ليها شي واحد نتي غزالة !!
الغني ساكن فقصر والفقير ماعندوش حتى صندالة !!
ولينا نعاملو الفقراء بحال الحثالة !!
هذا فراشو ديال الحرير وهداك ينعس فالزبَّالة !!
الماص والراجا والجيش وحلالة !!
بسباب كورة نبداو نهللُّو ونديرو البلبلة !!
تهضر معاه يقولك سي لا ڢي لا لا لا !!
فين الديموقراطية و فين العدالة !!
القانون نطبقوه على الفقراء والوزراء ففلوس الشعب دايرين حالة !!
الوزير يشفر حتى يشبع وفالأخير يقدم الإستقالة !!
ويخلي لهاداك لي جاي من وراه الوكالة !!
الرشوة فالمقاطعة والبلدية والعمالة !!
الفساد والزبونية والبطالة !!
وفالاخر نتمنى توصل هاد الرسالة !!
وراه الموت قادم لا محالة !!
غادي يجمعنا القبر كيف لي فواشنطن كيف لي فدكَّالة !!
إرسال تعليق